Mætti á góðan fund í kvöld.

Við bræðurnir mættum saman á fundinn til að sýna heimilum landsins stuðning.

Það var mikill hiti í mönnum þar sem landsmönnum finnst stjórnvöld vera að gera lítið til upprisu heimilanna.

Það voru líka allir sammála um að núverandi aðgerðaleysi væri mun dýrkeyptara fyrir þjóðina en að gera eitthvað t.d eftir tvö ár þegar meira en helmingur þjóðarinnar væri orðinn gjaldþrota.

Gylfi var spurður að því hvort ekki væri verið að leyna þjóðina einhverju og landið væri í raun gjaldþrota?

Gylfi vildi ekki kannast við það.

Ég trúi ekki öðru eftir þennan góða fund að Gylfi hafi fengið mun meiri skilning á þeim vaxandi vanda sem hrjáir heimili landsins.

Það eru dökk ský að færast yfir landið ef ekkert verður að gert.  Stjórnvöld verða að hafa hagsmunasamtök sem þjóðin treystir með sér í ráðum annað er ekki boðlegt. Það var hlegið dátt þegar Gylfi nefndi verkalýðshreifinguna sem hagsmunasamtök með í ráðum. En því miður þá nýtur VERKALÝÐSHREIFINGIN ekki traust hjá þjóðinni í dag og finnst mér það miður.

En vonandi hefur þessi fundur kveikt á einhverjum ljósaperum hjá stjórnvöldum.

 

Óraunsæi að hundsa verkfall

Það eru allir íslendingar á hvolfi og stjórnvöld verða að skilja það.

Það munu allir fara á hausinn ef ekki verður þjóðarátak.  Við sem erum með breiðubökin munu líka fara á hausin miðað við stefnu stjórnvalda.

Steingrímur og Jóhanna skynja ekki þjóð sína og að ætla að leggja allar skuldrbyrgðar á þá sem nenna að vinna og eiga að vera með hin breiðu bök er fáránleiki?

Þau verða að skynja það að fólk er búið að fá upp í kok og væntanlegar skatthækkanir í næsta fjármálafrumvarpi á eftir að fella ríkisstjórnina þar sem skuldsettur almenningur sem ekki tók þátt í þessu svínæri lætur ekki bjóða sér þetta.

það er öll þjóðin á hausnum ef þið skiljið það ekki?

Tek undir orð Geirs Hardee.

Guð blessi Ísland.

Vonandi fáum við stjórnvöld sem skilur virkilega vanda heimilana?

 

 

 

 

 

Vanskil aukast hratt

Það má ekki uppræta spillinguna? Jóni Jósef sparkað út úr sinni vinnu.

Ég hef í höndunum bréf frá Jóni Jósefi þar sem hann lýsir  skoðun sinni á uppsögn samnings um krosstengslaforits útrásarvíkinganna sem hann gerði við RSK.

Eftir að hann kemur fram í fjölmiðla og kynnir forritið sitt þá er hans margra mánaða striti hent út á haugana.

Hvaða öfl kipptu í spottana?  Hann var orðinn óþægilegur fyrir þessa gjörspiltu stjórnsýslu sem við búum við og vinnu Jóns hent á hauganna eins og drullugu sorpi.

Landsmenn látum þetta ekki gerast og mótmælum nú mun kröftugra gegn þessari gjörspiltu stjórnsýslu sem Jóhanna og Steingrímur eru kosin til að takast á við.

Þessi gjörningur stenst ekki um persónuvend þegar alvarlegur glæpur gegn heillri þjóð hefur verið framinn.

Enn og aftur hrópa ég af mikillri orku!  Spillinguna burt.

Síðan væri gott að íhuga það hvort við stöndum ekki fyrir landssöfnun fyrir Jón Jósef þannig að hann geti unnið áfram að krosstengsla hugbúnaðarvinnu sinni.  Ef Steingrímur og Jóhanna vilja vinna gegn spillingunni í stjórnkerfinu sem er að mestu fortíðarvandi þá styð ég þau með öllu mínu hjarta.

Nú þurfum við landsmenn að hafa hæfa menn í stjórnsýslunni þannig að það gangi eitthvað að hreinsa til.  Trúi ekki öðru en að það verði rannsakað til fullnustu hvers vegna Jóni Jósefi var sparkað út úr sinni vinni.

 

Er Steingrímur J? HEIMSKUR MAÐUR?

Nú hefur komið í ljós að áfengissala hefur dregist saman um 21% milli ára.

Neyslumyndun íslendinga er að breytast og þessar ofur skattheimtur Steingríms sem hann fékk í vöggugjöf frá læriföður sínum Ólafi Ragnari forseta Íslands munu ekki skila neinu í ríkiskassa Steingríms.

Með ofurskattheimtu Steingríms og þessara vanmáttugu stjórnar Íslands, blómstarar svartimarkaðurinn í dag þar sem allir reyna að lifa af.  

Steingrímur lifir ekki í sama þjóðfélagi og almúginn í þessu landi.  Hann hefur verið of lengi innan veggja alþingis.  Fengið frítt að borða og fengið útlagðan kostnað borgaðan.

Nú þarf Steingrímur að gera það upp við sig hvort hann ætli að stuðla að stórfeldri svartabraskvæðingu eða vill hann að hagvaxtarhjólin snúist eðlilega í nánustu framtíð.

Með sama áframhaldandi óstjórn fjármálaráðherrans mun ólögleg innanlandsframleiðsla blómstra.  Kaup og sala á matvörum mun blómstra í neðanjarðarhagkerfinu.

Ég hef áhyggjur af Steingrími og bið hann að ganga hægt um gleðinar dyr.  Það muna allir þá tíma þegar lærifaðir Steingríms var fjármálaráðherra?  Þá var engu hlíft enda reis þjóðin ekki upp aftur fyrr en hann fór frá eftir mikið tjón hjá hinum almenna launaþræli.

Ég skora á Steingrím að ganga hægt um gleðinar dyr og ígrunda allar skattahækkanir þannig að þær gefa raunverulega eitthvað í ríkiskassan

.

 

Við þurfum erlent fjármagn inn í landið.

Hannes G. Sigurðsson, aðstoðarframkvæmdastjóri Samtaka atvinnulífsins, segir nauðsynlegt að ráðast í nýjar virkjanir og uppbyggingu orkuiðnaðar til að skapa ný störf.

Annars horfi menn fram áframhaldandi samdrátt og landflótta.

 Hann segist einnig undrandi á neikvæðum viðbrögðum við hugmyndir um kaup erlendra aðila í íslenskum orkufyrirtækjum þegar lánagreiðslur fyrirtækjanna renni þegar úr landi. "

 

Það er alveg á hreinu í mínum huga að við verðum að fá erlenda fjárfesta inn í landið og fjárfesta mikið ef á annað borð á að vera hægt að lifa í okkar landi. Síðan er að fara samningarleiðina, réttlætisleiðina og dreifðu eignarhaldsleiðina og svo frv.

Það verður að forðast þá leið sem við eru á í dag?  Leið stöðnunar.

Flott og gott.

Vonandi verður hægt að halda áfram að segja sanngjarnar fréttir án þess að menn skjálfi yfir því að verða kærðir.

Til hamingju fréttamenn og halda áfram svo að segja fréttir þar sem við almuginn viljum allt upp á borðið og eigum það skilið.

Öllum kærum á hendur blaðamönnum vísað frá

Ég deili áhyggjum mínum með Heilbrigðisráðherranum.

Það sem þessa ríkisstjórn vantar er framtíðarsýn og láta verkin tala.  Það er óþolandi fyrir almenning mánuð eftir mánuð að horfa upp á aðgerðalitla ríkisstjórn gera nánast ekki neitt nema að eyða öllu púðrinu í Icesave og ESB ruglið.

Á þessum átta mánuðum hafa heimilin verið látin afskiptalaus og margir fengið óblíðar viðtökur hjá lánastofnunum og nánast sagt að éta það sem úti frýs.

Það vita allir að skera þurfi burt fituna af ríkisbákninu. 

Þá er bara að vinda sér í verkin.

Vonandi verður það gert á manneskjulegan hátt.

Með verulegar áhyggjur

Nema við förum á fullt að nýta auðlyndir okkar?

Það sjá allir skynsamir menn að það verður langvinn kreppa hér ánæstu árum nema við nýtum tækifærin rétt.

Við eigum nátturuauðlyndir og þær þurfum við að nýta rétt.  

Ég er hræddur um að hugmyndafræði VG mun lengja kreppuna og tek ég þess vegna undir með Íslandsbanka.

En allir geta breyst og vonandi breytist hugmyndafræði VG.

 

Spá kreppu hér næstu árin

Þögn og drungi yfir heimilum landsins?Hugleiðing.

Þögn og drungi svífur yfir heimilum landsins.

Margir hverjir eru farnir að hugsa um að hætta þessari vitleysu að rembast við að greiða af lánunum.

Húsnæðisverð er í frjálsu falli en höfuðstóll lána heldur áfram að vaxa þótt skilvísir greiðendur borgi stórar fjárhæðir mánaðarlega í þessu rugli. 

Það má lýsa ástandinu þannig að íslensk heimili hafi orðið fyrir hryðjuverkaárás og þeir sem eiga að reyna að hjálpa "stjórnvöld" virðast slétt sama.  Þannig er tilfinning margra landsmanna í garð stjórnvalda í dag þar sem það er ekkert að gerast í málefnum heimilanna.

Það er mjög slæmt að hafa það á tilfinningunni að standa í skilum um hver mánaðarmót sé eins og að kveikja í peningunum þar sem framtíðarstefna stjórnvalda er svo óskýr í málefnum og endurreisn heimilanna.

Það er enginn sem talar kjark til þjóðarinnar.  Forsetinn er ekki lengur sameiningartákn, Jóhanna sést ekki og Steingrímur hræðir fólk með ummælum sínum.

Það sem þarf að gera er að gefa þjóðinni von um framtíðina, von um réttlát þjóðfélag og að hægt verði að lifa hér þokkalegu lífi  í nánustu framtíð.

Enn um sinn mun þjóðin reyna að vera þolinmóð til mánaðarmóta og bíða eftir framtíðarplani stjórnvalda.

Þetta á sér eðlilegar skýringar.

Ég var úti að hlaupa þegar þessi skýstrokkur myndaðist. 

Ég lofa því að hlaupa ekki svona hratt þegar ég fer út að hlaupa á morgun.

Skýstrokkur í Ölfusi