Vonandi fer að sjást sjáanlegur árangur af rannsókn á hruninu

Gunnar Anderson hefur hingað til virkað á mig sem hreinn og beinn maður.

Það er vonandi að rannsókn á bankahruninu gangi hratt og vel fyrir sig og eitthvað fari að koma í ljós einu ári eftir að bankahrunið átti sér stað.

Síðan birtast okkur alltaf fréttir af ýmsum gjörðum útrásarvíkinga eins og að nú er einn af aðalmönnum gamla Kaupþings að byggja 450 fm villu fyrir kúlulánið sitt sem hann tók út úr Kaupþing banka á sínum tíma.  Á meðan skulum við almenningur svelta til að borga upp skuldirnar fyrir hann og aðra útrásarvíkinga.

Þetta er ekki skemmtileg þjóðfélagsumgjörð sem boðið er upp á hér á Íslandi í dag.

Ég vona að allt verði gert til að hraða rannsóknum á hruninu og við förum að sjá árangur áður en árið er liðið.

Mörg dæmi um lögbrot

Á dagskrá eða ekki dagskrá?

Tvær fréttir með stuttu millibili?

Ísland á dagskrá AGS

"Málefni Íslands verða rædd á fundi stjórnar Alþjóða gjaldeyrissjóðsins þann 14. september næstkomandi. Taka átti endurskoðunina fyrir á fundi þann 7. ágúst sl. en því var frestað. Vonir standa til þess að eftir fundinn berist annar hluti 2,1 milljarða Bandaríkjadala láns sjóðsins hingað."

Hin fréttin?

Ekki á dagskrá 14. september

"Málefni Íslands verða ekki tekin fyrir á fundi framkvæmdastjórnar Alþjóða gjaldeyrissjóðsins þann 14. september samkvæmt upplýsingum úr forsætisráðuneytinu. Um misskilning er að ræða en enn er vonast til þess að Ísland komist á dagskrá stjórna AGS fyrir mánaðamót."

Ég er farinn að halda að AGS vilji ekkert með okkur hafa. Hollendingar og Brétar virðast stjórna atburðarrásinni og kannski er þeirra markmið er að ganga frá okkur sem þjóð.

Ég tel líklegt að AGS býði eftir fjárlagagerðinni þar sem þeir munu láta álit sitt í ljós og heimti meiri niðurskurð á ríkisútgjöldum.

Ekki á dagskrá 14. september

Við verðum að aflétta spillingunni úr stjórnsýslunni?

Ísland er mjög spillt land þar sem kunningja og vinarsamfélagið hefur blómstrað undanfarin mörg ár.

Nokkrar fjölskyldur hafa stjórnað landinu og börn þeirra hafa síðan erft kjötkatlanna og jafnvel horft niður á hinn venjulega launaþræl.

Við hinn venjulegi almúgi höfum alltaf þurft að berjast fyrir okkar tilverurétti.  Við höfum látið þessar fjölskyldur sem alltaf hafa fengið sínar skuldir afskrifaðar vegna tengsla við valdhafanna hverju sinni traðka á okkur með skítugum skónum.

Sérstakasta dæmið er þegar Magnús kvótakóngur vildi fá 50 miljarða afskrifaðar eða að Björgúlfur Thór vildi semja við Kaupþingbanka og borga aðeins helming af því sem hann átti að greiða fyrir Landsbankann þótt allir hafi haldið að hann hefði borgað bankann upp fyrir löngu.

Íslansk stjórnsýsla hefur verið og er svo spillt að manni verður ómótt.  

Nú er fjórða valdið komið til sögunar og við fólkið sem tjáum okkur undir nafni, segjum stopp?  Hingað og ekki lengra.

Þrotabú í eigu ríkisins eru skömmtuð til fárra útvalinna manna án auglýsinga og sama fólkið lifir gósin lífi þótt traðkað sé stanslaust á launaþrælum ríkisins.

Nú þegar ríkið á allt þá þarf að auglýsa allar eignir til sölu og gefa nýju fólki tækifæri á að gera betur heldur en þeir sem settu allt í þrot.(eins og gerðistmeð skóverslanir (Steinars Waage)

Nýja Ísland verður að rísa upp án spillingar.  Jóhanna hin góða kona sem enginn vill ásaka fyrir spillingu þarf að rísa upp og tala við okkur þjóð sína hún má ekki einangra sig svona þótt ég telji að málefnin sem hún þarf að glíma við séu henni erfið.

Ég mun um stundarsakir berjast með þeim sem vilja berjast fyrir réttlæti.  Ef spillingin vinnur á réttlætinu mun ég ásamt mörg þúsunda íslendinga yfirgefa klakann og fá mér eitthvað að gera í öðru landi.  Það skal viðurkennast að ég hef undirbúið plan B lengi.

En ég skora á alla íslendinga að doka við og berjast fyrir tilverurétti sínum.

Berjumst gegn spillingunni?  Berjumst fyrir sanngjörnu og heiðarlegu þjóðfélagi.

Blóðugur niðurskurður á næsta ári.

Fjárlagafrumvarp fyrir næsta ár verður kynnt eftir um mánuð.

Skorið verður niður hjá ríkisstofnunum um 35,4 milljarða og 28 milljörðum á að ná með hækkunum á tekjuskatti, virðisaukaskatti, erfðaskatti og eignaskatti svo dæmi séu tekin.

Í bóta- og styrkjakerfinu verður skorið niður um ríflega 11 milljarða á næsta ári, en til þessa kerfis heyra almannatryggingarnar, atvinnuleysisbætur, vaxtabætur,barnabætur og aðrir ýmiskonar styrkir t.d. til menningarmála.

Alls þarf að finna um 63 miljarða í ríkiskassann.

Síðan á að halda blóðugum niðurskurðarhnífnum áfram á lofti til ársins 2013 og skera 10-30 miljarða ár hvert.

Síðan þegar þessi ósköp eru búin þá hefst þrautaganga nr 2 að greiða icesave reikninginn.

Í stuttri samantekt er hægt að segja að við íslendingar sem ætlum að taka þátt í þessu þjóðfélagi verðum blóðugir upp fyrir haus og spennandi að sjá hvort við komumst alla leið á leiðarenda árið 2023 þegar við greiðum loka greiðsluna af icesave reikningnum.

 

 

Fínn Silfur Egils í dag.

 Þetta er góð og fróðleg lesning

Joseph hefur áhyggjur af því hversu mikinn þrýsting sjóðurinn setji á að Ísland dragi úr skuldum sem þýði aukið aukið atvinnuleysi?   Um þessar mundir er atvinnuleysið um 8% og líklegt að það fari yfir tveggja stafa tölu í vetur eftir því hvernig niðurskurðahnífnum verði beytt.  Þetta er mjög vandasamt verk sem ríkisstjórni Íslands á fyrir höndum.

Rangt sé að láta hinn almenna borgara greiða fyrir mistök annarra á sama tíma og laun fara lækkandi í landinu. Ekki sé rétt að veita þeim afskriftir á skuldum sem offjárfestu? Þetta er nákvæmlega það sem almenningur hefur verið að gagnrýna stjórnvöld um. Nú er vonandi að stjórnvöld fari að vakna. Fara að gera eitthvað í málum heimilanna og leiðrétta einhvern hluta af því sem almenningur hefur tapað vegna upphafs forsendubrests á lánakjörum sínum.

Að lokum.

Það er ekki furða þótt við almenningur vitum stundum ekki í hvorn fótinn á að stíga.  Hver hagfræðingurinn kemur fram á sjónarsviðið og þeir tala út og suður um efnahagsmálin.  Tveir hagfræðingar voru hjá Silfri Egils í dag. Jón Daníelsson og Joseph Stiglitz.  Jón vill afnema gjaldeyrishöftin strax en Stiglitz vill halda í gjaldeyrishöftin.

Segir AGS standa sig betur hér

það er þegar orðið upplausnarástand hérna á klakanum.

Enn og aftur sýnir fjármálaráðherra að hann skynjar ekki þjóð sína?

Það er þegar orðið upplausnarástand þar sem ekkert hefur verið gert í að byggja skjaldborg um heimilin.

Endalausar skattahækkanir og boðaðar skattahækkanir eru ekki það sem hughreystir hinn venjulega skilvísa skuldaþræl í dag.

Steingrímur verður að gera sér grein fyrir því að margir eru að bíða eftir fjárlagagerðinni og síðan taka margir ákvörðun um það hvort ekki sé betra að skúra gólf í einhverju fyrirtæki á norðurlöndunum eða verða skattaþræll/vanskilaþræll OFURSKATTMANNS Steingríms J. á Íslandi.

Nú er þessi ríkisstjórn búin að fá 8 mánuði til að stjórna og hefur verkefnið verið henni um megn.  Ef hún getur ekki gert meira en þetta þá á hún að fara frá. 

Upplausn hér verði Icesavelögum hafnað

Ég vona að aldrei verði hægt að heimfara svona lagað upp á íslendinga.

Spillingin á Íslandi er svo mikil að ég gæti alveg séð þessa frétt í íslensku ljósi.

Hér er öllu verið að leyna og þeir sem komu okkur á kaldan klaka lifa góðu lífi og margir hverjir innan stjórnsýslu Íslands.

Meðan svo er verður aldrei friður á Íslandi og verður núverandi ríkisstjórn að vera óvægin og stokka allt upp.

Það er ekki líðandi að í íslenskum bönkum finnst fólk sem komu okkur á hausinn og lifir góðu lífi meðan það fjölgar þeim þúsundum sem hafa vart í sig eða á og tóku aldri þátt í þessu bulli.

Er Steingrímur heimskur?  Það skulda allir eitthvað og við sem ekki tókum þátt í fals góðærinu getum ekki borgað meira ef við eigum að geta staðið í skilum.

Ég skora á Steingrím að afhenda formanni Framsóknarflokksins lyklanna.  Hann sá hvað þurfti og sá leikinn langt fram í tíman.

 

Mannskæðar óeirðir í Gabon

Ég trúi ekki að Gylfi vilji níðast á Íslendingum?

Gunnar Tómasson hagfræðingur og fyrrverandi starfsmaður AGS (IMF) til 25 ára segir eftirfarandi á heimasíðu samtaka heimilanna?

"Ágæti formaður Hagsmunasamtaka heimilanna.

Í viðhengi er samantekt um ákvæði laga nr. 38/2001 um vexti og verðtryggingu varðandi gengistryggingu höfuðstóls lána í íslenzkum krónum.

Það er ótvírætt að slík gengistrygging brýtur gegn 13. gr. og 1. mgr. 14. gr. laganna, og varðar refsingu skv. 17. gr.

Skaði lántakenda af þessu broti lánastofnana veltur á hundruðum milljarða kr.

Frá þjóðhagslegu jafnt sem réttlætissjónarmiði ber því brýna nauðsyn til að fullt tillit sé tekið til skaðabótaskyldu viðkomandi lánastofnana áður en gengið er frá uppgjöri við erlenda og innlenda kröfuhafa gömlu bankanna.

Gylfi Magnússon viðskiptaráðherra vonast til að vera með fullmótaðar tillögur til lausna á skuldavanda heimilanna þegar þing kemur saman um næstu mánaðamót.

„Ég er svona hóflega bjartsýnn á að það takist. Þetta gæti jafnvel komið fyrir mánaðamótin," sagði Gylfi.

það er nóg fyrir okkur Íslendinga að vera kúguð af hollendingum og brétum með stuðningi forseta íslands og stjórnvalda. En þegar stjórnvöld ætla síðan að kúga íslendinga beint með stjórnvaldsaðgerðum og brjóta á þegnum sínum þá er mikið að.

Traust bankanna er ekkert og er fáranlegt að það sé verið að reysa þá upp í þessari ófreskju mynd. Að mínu mati hefði átt að láta þá rúlla og stofna einn nýjan ríkisbanka og taka eitt hænufét í einu.

Nú höldum við íslendingar áfram að berjast fyrir réttlætinu og útrýma spillingunni sem hefur ekkert mynnkað með nýrri ríkisstjórn þar sem ekkert er upp á borði og margir spillingar furstar lifa góðu lífi enn þá þótt öll þjóðin sé að myljast í sundur.

	„Uppskrift að stórslysi“
Ábyrgðarmaður færslu Tenging við þessa frétt hefur verið rofin vegna kvartana.

Gott hjá Jóhönnu að reyna en það þarf svo miklu meira.

Það er betra að gera eitthvað en ekki neitt.

Það er betra að horfa raunsæjum augum á vandamálin en að gera það ekki?

Það er betra að lýsa yfir þjóðargjaldþroti frekar en að hunsa stóriðju og aðrar framkvæmdir ef okkur stendur eitthvað til boða.

Við verðum að taka á móti öllum þeim tækifærum til uppbyggingar?

Við verðum að horfa jákvæðum augum á ef erlend ríki vilja fjárfesta í okkar landi.

Algjör þjóðremba verður okkar banabiti ef við horfum ekki fram á við.

Í dag er Ísland í rúst. 

Tökum vel á móti erlendum fjárfestum og reysum landið upp með aðstoð þeirra.

Það er vonlaust að mínu viti að við getum það ein.

Erlent fjármagn inn í landið til uppbyggingar.

Bréf til Hollands og Bretland

Voru ekki allir plataðir?

Ég verð að viðurkenna það að ég er ekki eins gáfaður og Georg Bjarnfréðarson sem er með 5 háskólagráður.

En eitt veit ég þó að ég sá að þessi heilaþvottur stjórnvalda gekk ekki upp.  Skrifaði ég tvær greinar í Morgunblaðið árið 2000 og varaði við þessari þróun græðgisvæðingar sem hafði  byrjaði með kvótakerfinu.

Þar sem allt var falið og stjórnsýslan í lokuðum herbergjum þá trúðu allir því hvað allir þessir útrásarvíkingar væru klárir með fullum stuðningi æðstu ráðamanna landsins.

Þess vegna er ekki ótrúlegt að eftirlitsmenn OECD hafi verið gabbaðir af stjórnvöldum og þeim útrásravíkingum sem tóku landið yfir á þessum svokallaða "góðæristíma"

Nú þurfum við að elta upp þýfið og rannsaka þetta til ársins 1991 þegar frjálsa framsalið var sett á.

 

OECD oflofaði íslenskt fjármálakerfi