Eru sérfræðingarnir þeir sömu og sungu útrásar sönginn?

Hvers vegna er það ekki gefið upp hvaða sérfræðingar það eru sem gefa þessu frumvarpi falleinkun.  Meðan svo er þá er ekki hægt að kalla þetta álit annað en einn enn áróðurinn!

Við íslendingar erum löngu búnir að fá nóg af sérhagsmuna áróðri sem gerði ekkert annað en að koma þjóðinni á hausinn þótt undirritaður ásamt fleiri mætum mönnum hafi varað stjórnvöld síðustu áratuga í hvert stefndi að óbreyttu

Þess vegna spyr þjóðin?  Hverjir eru þessir sérfræðingar?  Eru það kannski þeir sömu og hrópuðu útrásar sönginn með Hannes Hólmstein í fararbroddi.

„Frumvarpið fær falleinkunn"

Stóra frumvarpið er byrjunin af leiðinni í réttlætis átt.

Ekkert múður!  Breyta kvótakerfinu á réttlátan hátt þannig að maður þurfi ekki að horfa upp á þessi ósköp eins og síðustu 30 árin með óbragð í munni.  Ég tel að þjóðin vilji frekar græða aðeins minna en að örfáir menn arðræni auðlindina og braski með sjáfarránið í óskildum rekstri eins og gert hefur verið síðustu áratugina. 

Ég styð af heilum hug aðgerðir ríkisstjórnarinnar í stóra frumvarpinu þótt það sé aðeins brot af því réttlæti að auðlindin fari aftur til þjóðarinnar.

Aukinn kostnaður á útgerðir

Ég trúi á sjálfan mig og mér er sama þótt enginn annar geri það og hef ég alltaf fundið fyrir því!

Ég hef svo gaman af því þegar fólk trúir ekki á getu manns og heldur að maður sé bara froðusnakkur.  Slíka tilfinningu fékk ég þegar ég ákvað að taka af mér 35 kg og gerast hálf marþonhlaupari.  Síðan gerðist ég Maraþonhlaupari og tók tvö slík á 12 daga millibili.  Nú er stefnan sett á 100 km hlaup og ég stefni enn og aftur á þá þraut að sigra sjálfan mig þótt allir hafi haldið að ég væri froðusnakkur og grobbhani sem einugis væri í nösunum á viðkomandi.

Ég hef haft rosalega gaman af hvernig margir af mínum starfsfélögum hafa brugðist við! Sumir hafa haldið mig geðveikan, sumir að þetta væri ekki hægt, fólk hefur varla getað horft framan í mig.  En ég mun halda áfram og gera mitt besta að vera framúrskarandi og taka áskorunum óhræddur og spekúlera hvernig maður kemst í gegnum markmiðin.

 Nú er 100 km hlaup á næsta leiti hjá mér.  Enginn hefur trú á því að fyrrverandi fitubolla 120 kg fyrir 3 árum nái  þeim markmiðum sínum að sigra sjálfan sig en ég veit að að ég get ,ég veit og ég ,skal.  Síðan munu enn erfaðari áskoranir verða á mínum vegi á næstu árum ef heilsan verður svona frábær eins og hún er í dag þótt fólk haldi mig áfram ruglaðan ha ha.

Mun þjóðin standast heilaþvott stjórnmálamanna sem viðgengist hefur hér í einn og hálfan áratug.

Ef ég segði JÁ við Icesave þá myndi ég vilja óbreytta græðgisvæðingu og óbreytt Ísland.  Ef ég segði NEI viðIcesave þá vildi ég samheldna þjóð og glænýtt Ísland þar sem frelsi,jafnrétti og bræðralag  ríkti.  Ég er búinn að ákveða mig!

 Forkálfar ASÍ OG SA berjast fyrir óréttlætinu.  Þessir menn berjast fyrir því að kökunni verði skipt eins og forðum og að almúginn fái að hirða molana af kökunni.  Hvar er hið nýja Ísland sem þessi ríkisstjórn lofaði?  Sömu menn, sama stjórnskipulag, sama óréttlætið sama allt.  Það breytist ekkert þar sem vald Alþingis er löngu komið til þeirra sem raunverulega stjórna Íslandi.  Ef fólk trúir þessum áróðri að Já sé besta leiðin fyrir Ísland þá mun óbreytt kerfi viðhalda sér til langs tíma.

Ég vil nýtt Ísland.  Ef við segjum JÁ á næsta Laugardag þá munum við viðhalda gamla Íslandi í allt of mörg ár eða um tvær kynslóðir.  Ef við segjum NEI þá munum við rísa hratt upp úr rústum kerfisins og stjórnsýslan tekur við sér eftir kjaftshögg og við munum lifa hér sem ein þjóð í sambandi við frelsi ,jafnrétti og bræðralag.

Er ekki nóg komið af rugli og heilaþvotti stjórnmálaaflanna.  Ég segi stórt NEI.

Margir hafa kosið um Icesave

Ég segi stórt Nei. Læt ekki hræðsluáróður trufla mig........................

Búinn að taka ákvörðun og mitt svar er stórt Nei.  Kem með rökstuðning síðar............................

Mjótt á mununum um Icesave

Já það er orðið bjart til kl átta.

Okkur var lofað að taka ætti á spillingunni en það er öðru nær hver spillingarfurstinn rekur uppi hér og þar um alla stjórnsýsluna.

Steingrímur og Jóhanna nú er komið að ögurstundu,hvar er þetta spillingarlausa Ísland sem þið lofuðu landsmönnum?

Merki um að tekið sé að birta til

2.700 km farnir á síðasta ári.

Samkvæmt dagbókinni minni á hlaup.com hljóp ég 2.700 km á síðasta ári.  Þessar æfingar eru að skila sér vel þar sem hraðinn og styrkurinn eykst með hverjum mánuðinum sem líður.  Til að geta æft þetta mikið þarf maður alltaf að skipuleggja sig aðeins fram í tíman vegna vinnu og annara skyldustarfa. 

Til að geta æft enn meira hef ég tekið upp á því að hlaupa í vinnuna nánast alltaf sama hvernig veðrið er og finnst mér það gefa mér heilmikinn styrk að brjótast áfram gegn vindinum.  

Mjög spennandi tímar framundan hjá okkur bræðrum þegar við förum í hlaupaprófin okkar í apríl og júni þar sem þessi skemmtilegi tími erfiðisins verður skjalfestur.

London 17 apríl og Reykjavík 11 júní

Æfingar hafa gengið frábærlega hjá okkur bræðrum og erum við mun sterkari núna en á sama tíma í fyrra á hlaupasvellinu.  Við höfum sett okkur tvö markmið sem við æfum grimmt fyrir það er London maraþonið þann 17 apríl næstkomandi og 100 km hlaupið í Reykjavík þann 11 júní í ár.

Í London er það markmið okkar að rúlla okkur í mark á tíma milli 3.15 og 3.30 og bæta tíma okkar verulega.  Í Reykjavíkur 100 km hlaupinu er markmiðið að komast í mark innan tíma marka sem eru um 13 klukkustundir.

Það sem hefur breyst frá því við vorum í Hamborg fyrir ári síðan er að elsti bróðir okkar hefur smitast af hlaupabakteríunni.  Hann æfir vel um þessar mundir og stefnir á að fara með okkur út til London, taka þátt í hlaupinu og komast í mark.

Skemmtilegir og ögrandi tímar framundan sem okkur hlakkar mikið til að takast á við.

Hugleiðingar eftir Hamborg maraþonið. Nú er það hálft í Reykjavík.

Nú er komið að næsta hlaupi og skal stefnt á hálft þon.  Besti tími minn í hálfu er 1.48.10 og er markmiðið að fara undir 1.45 klst. Í apríl síðastliðnum skrifaði ég smá hugleiðingar á Hlaup.com eftir að hafa tekið þátt í frábæru hlaupi í Hamborg. Frábært að hlaupa í Hamborg

25.4.2010

Árelíus Þórðarson

Eftir að hafa verið fitubolla í um 20 ár og þrjátíu og fimm kílóum þyngri en ég er í dag ákvað ég að nú væri nóg komið enda blóðþrýstingurinn orðinn mjög hár og ég á leiðinni að springa. Trúnaðarlæknir míns fyrirtækis hvatti mig mikið að gera eitthvað í mínum málum. Í september 2008 ákvað ég að byrja á því að fara í stutta göngutúra og stóð ég mig vel.  Fór fyrst um sinn í hálftíma túra og tveim mánuðum seinna var ég byrjaður á klukkutíma göngutúrum.  Í desember var ég byrjaður á að hlaupa á milli ljósa staura og ganga þess á milli.  Um miðjan janúar 2009 keypti ég mér árskort í World Class og setti mér mitt fyrsta markmið að taka þátt í hálfmaraþoni um vorið. Ég æfði eins og skeppna og árangurinn lét ekki á sér standa. Ég tók þátt í vormaraþoni FM og náði frábærum tíma fyrir byrjenda eða 1.48.15 sem ég var himin lifandi með.  Ég var ákveðinn eftir þennan árangur að setja markið hátt og ætlaði að taka þátt í heilu Reykjavíkurmaraþoni en það gekk ekki upp þar sem ég í byrjun júni tognaði illilega í hásinninni og átti í miklu basli með að ná mér góður af þessum meiðslum og átti ég meira og minna í þessum meiðslum fram að áramótum 2010,

Milli jóla og nýárs ákváðum ég og Raggi bróðir að við skyldum setja okkur markmið og taka þátt í Hamborg maraþoninu.  Ég byrjaði á því að hjóla og stundaði reglulega teygjuæfingar, sérstaklega með áheyrslu á kálfana sem ég var veikastur fyrir.  Síðan styrktist ég og æfði grimmt og gat farið að hlaupa að einhverju viti.  Einnig fór ég í nokkra yoga tíma sem ég hafði gott af þar sem maður fékk góða slökun og lærði að nota hausinn.

Við bræður erum keppnismenn og var það mitt mottó að reyna að hanga í Ragga enda tel ég Ragga einn efnilegasta hlaupara landsins miðað við aldur og tel ég hann ef hann æfir vel fram að næsta markmiði þá mun hann hlaupa maraþonið á innan við 3.10 og verður það mitt markmið að sjálfsögðu það að halda í við hann.

Að hlaupinu sjálfu í Hamborg er um það eitt að segja að umgjörðin og stemmningin var frábær.  Við vorum eins og nýgræðingar.  Sáum að það var búið að setja F á númerin okkar og við fórum inn fyrir girðinguna þar sem F fólkið var.  Nokkrum sekúndum þegar ræst var tókum við eftir manni með blöðru sem stóð á tími 4.15.  En við ætluðum að vera á blöðru sem stóð á 3.45.  Þar sem við erum reynslulitlir í okkar fyrsta hlaupi urðum við að kyngja þessu og byrja aftarlega með hlaupurum sem voru alltof hægir miðað við það sem við vildum hlaupa.  Fyrsti eini og hálfi tíminn fór í sikk sakk hlaup til að komast fram úr þar sem ekkert gliðnaði með hlaupurum enda 30 þúsund hlauparar að hlaupa.  Um miðblik hlaupsins var orðið svakalega heitt og hitinn kominn yfir tuttugu stig.  Við stoppuðum á hverri vatnstöð drukkum eitt og hálft glas og skvettum einu og hálfu glasi yfir hausinn á okkur.  Mér leið rosalega vel fyrstu 35 km en eftir það var eins og hendi væri veifað,  lappirnar orðnar þungar en samt fann ég ekki fyrir þessum svokallaða vegg.  Raggi seig aðeins fram úr mér á loka kaflanum en ég var ákveðinn fyrir hlaupið að komast í mark með fulla rænu og geta labbað um kvöldið og fengið mér bjór.

Raggi fékk tíman 3.38 og ég 3.40 sem ég tel ásætanlegt miðað við okkar fyrsta hlaup.  Tíminn á hlaupa úrinu mínu stóðst vel en vegalengdin sýndi yfir 43 km en það er líklegast vegna þess að við þurftum að skjáskjótast fram úr mörgum hlaupurum.

Eitt vill ég segja að lokum.

Í mörg ár keyrði ég fram hjá hlaupurum og skildi aldrei hvernig í andskotunum þeir nenntu að hlaupa svona eins og bjánar!

Hlaupin hafa gefið mér nýtt líf og erum við bræður að gæla við næsta langtímamarkmiðið sem er  London maraþonið á næsta ári og er mitt markmið 3.15-3.30 sem ég veit að ég næ ef ég æfi skynsamlega og forðast meiðsli.

Ég vil þakka þeim fjölmörgu hlaupurum sem við höfum haft aðgang að en þeir eru svo margir að vonlaust er að telja þá upp.

Árelíus Þórðarson

Það verða að fara fram nýjar kosningar sem fyrst.

Þetta svo kallaða staðnaða fjórflokkakerfi er liðið undir lok.

Það verður að boða til kosninga sem fyrst til að nýjir og "Bestu flokkarnir" geti boðið fram til að hafa hagsmuni fólksins í landinu að leiðarljósi.  Fjórflokkarnir hafa sýnt okkur að þeir vilja ekki  hafa hagsmuni hins venjulega launaþræls að leiðarljósi heldur skal það vera klíkuhópar og spiltar fjármálastofnanir sem taka á fram yfir hagsmuni hins venjulega manns.

Boða verður til nýrra kosninga og vonandi spretta upp góðir nýjir flokkar sem munu hafa almanna heill að leiðarljósi.

Fjórflokkakerfið mun vonandi líða undir lok í næstu alþingis kosningum.

 

Varar við of miklum væntingum