Eignabruni landsmanna á ofsa ferð.

Rétt er það Steingrímur að eignarbruninn er allur að skýrast.

Eignamyndun landsmanna er að brenna upp og verður enginn eftir tvö ár hjá 93% þjóðarinnar.

Nú fékk ég bréf frá lífeyrissjóðnum mínum í dag þar sem réttindin eru niðurgíruð um tíu prósent.  Sem þíðir að peningareign undirritaðs hafi brunnið upp um ca 1500 þúsund krónur.

Nú eru boðaðar áframhaldandi brennur og skal brenna það litla sem landsmenn eiga eftir með ofsafengnum skattahækkunum á næsta ári til handa einstaklingum upp á þrjátíu og átta prósent.

Það á að brenna upp allar eigur fólks þar til ekkert verður eftir og húsnæðiseigur landsmanna verður breytt í húsnæðis í eigu ríkisins.  Djöfull hljóta þeir sem aðhyllast kenningar kommanistans að kætast um þessar mundir.

Allir skulu vera undir sama hatti og þjóðfélagið drepið niður.  frumkvæði einstaklingsins skal drepið niður í trog.  Ríkisbáknið skal óskorið og enginn fjandsamleg atvinnustarfsemi skal upp byggjast sem ekki er þóknarleg kommanistastjórn Íslands.

Þetta er ekki gæfuleg framtíðarsýn sem við landsmenn búum við með þessa fugla við stjórn landsins.

Skítt með landsmenn allt fyrir ICESAVE 

Málin að komast á lokastig

Icesave matreiddur í fallegan búning í kok landsmanna?

Allt er þetta leikur að tölum.

Allt er gert til að fegra hlutina.

Allt er gert til að láta okkur trúa svona bulli.

5% vaxtarbyrði af 750 miljörðum eru um 38 miljarðar á ári ofan á höfuðstól.

Árið 2014 verður uppsöfnuð vaxtarbyrði komin í um 190- 210 miljarða ofan á höfuðstól.

Kannski mun gengið lagast og fara til baka? Kannski heldur það áfram að hækka.

Það er ótrúlegt að skilanefndin sé að matreiða þetta svona á borð fyrir okkur fávitana.

En það má reyna?

Líklegast tel ég að skuldarklafinn vegna Icesave verði upp á nokkur hundruða miljarða þegar kemur að okkur að borga brúsann.

Samt jákvæðar fréttir og vona að ég hafi rangt fyrir mér. Skilanefndin rétt fyrir sér.

Að lokum er ég með tillögu.

Ég skora á Samfylkinguna ,Sjálfstæðisflokkinn og Framsóknarflokkinn að mynda einhverskonar neyðarstjórn þar sem Vinstri - Grænir eru algjörlega óstjórntækur flokkur.

 

90% upp í forgangskröfur

Er ekki kominn tími á þjóðstjórn.

Er það ekki farið að sýna sig að þetta argaþras á milli flokka gengur ekki lengur í þeirri grafalvarlegu stöðu sem íslenska þjóðin er í.

Allur tími stjórnaflokkanna fer í einhverskonar argaþras og ekkert er að ské í endurreisn þjóðarinnar.

Nú þurfum við einhverskonar endurreisnar stjórn skipuð af hæfustu mönnum sem þjóðin á um þessar mundir sem tekur faglega á öllum málum til hagsældar fyrir okkur landsmenn.

Ummælin fráleitur þvættingur

Davíð Oddson? Hvers vegna lést þú þetta viðgangast.

Nú er það komið á hreint?  Engin þjóð vill þekkja okkur og við erum ein á báti ef við samþykkjum ekki kúgun annara landa að borga reikninga fjárglæframanna.

Davíð Oddson var einn af höfundum frjálshyggjunnar og einn helsti stuðningsmaður kvótakerfisins.  Helsti ráðgjafi hans Hannes Gissurason sagði að betra væri að gefa örfáum eignarrétt af auðæfum þjóðarinnar þannig að dautt fé myndi lifna við.  Síðan kom keðjuverkun og græðgi og frjálshyggjan breyttist í öfgafrjálshyggju örfárra manna.

Davíð Oddson steig upp og reyndi að mótmæla?  Það var of seint því skrímsli græðgisins var komið á flegi ferð og meðal annars varð forseti Íslands fyrir miklum heilaþvotti og hrópaði og söng útrásarsönginn um gjörvalla veröld.

Ég meðal annars sá í hvað stefndi árið 2000 og skrifaði tvær greinar í morgunblaðið  og varaði við þessu mattadors stjórnarfari stjórnvalda.  Ég fékk orð um að vera úrtölumaður og maður sem háður væri af öfundsýki.  Ég vona að ég sé á þessu ári búinn að hreinsa þann stimpil af mér.

Þegar ég sá þetta öfga stjórnarfar var mér hugsað til fólksins í Brasilíu þar sem 7% þjóðarinnar áttu allt og 93% þjóðarinnar minna en ekki neitt.  Spá mín er vissulega á hraðri siglingu í þessa átt þótt ég vonaði sannalega að ég yrði frekar talinn sem úrtölumaður.

Kannski er það rétt hjá Jóhönnu að við þegnar þessa auma lands um þessar mundir verðum að láta kúga okkur og borga það sem keisaranum ber.  Það er erfitt að vera þjóð ein í heiminum en djöfull mun ég verða ósáttur þegn að þurfa að beygja  mig undir þessa kúgun.

Nú er ár liðið frá hruninu og við virðumst sökkva dýpra í fen gleymdra þjóða.  Engin þjóð vil hjálpa okkur og er það skiljanlegt meðan fjárglæframenn ganga enn lausir og ekki hefur tekist að finna einn sem ábyrgð tekur á hruninu þótt vissulega öfum við landsmenn skilning á því hverjir það eru.

Ég er skipstjórnarlærður maður og er löngu búinn að hugsa um plan B.  Skipstjórar reyna alltaf að þrauka og fara síðastir frá borði þegar skipið sekkur.  Um þessar mundir er skipið Ísland að sökkva hægt og bítandi og við verðum að dæla upp úr skipinu og rétta það af.  ef ekkert annað er til ráða en að borga þennan mjög óréttláta reikning þá verðum við að segjast borga hann þótt það lengi í ólinni.  En það er samt ekki hægt að gera það með því að skattpína alla íslendinga upp í rjáfur eins og nýjasta fjátlagafrumvarpið vísar til.

Að lokum.

Það er ekki hægt að byggja upp meðan allt of margir skemmdarverkamenn eru innan banda VG og tala ég þá út frá hjarta mínu og er það ekki spurning í mínum huga að VG er óstjórntækur flokkur í ríkisstjórn og verður að yfirgefa endurreisnina það sjá það allir sem vilja sjá það á annað borð.

 

Hærra lán ekki í boði

Norðmenn mega eiga okkur.

Ég er alveg tilbúin til að vera ein stjarna að norska lýðveldinu.

Mér hefur alltaf líkað við norðmenn enda erum við íslendingar norðmenn.

Væri alveg til að verða undir noskri stjórnsýslu miðað við þessa spillingarstjórnsýslu sem kraumað hefur á okkar landi í tugi ára.

Boð frá Miðflokknum um fund

Ísland er gjörspilt land.

Þetta land okkar er bara orðið svo spilt að maður er orðinn þreyttur á að hugsa um þetta.Í mínum huga er ótrúlegt hvað margir fjárglæframenn ganga enn lausir einu ári eftir hrun landsins.

Við íslendingar erum orðnir ansi þreyttir á því að sjá ekkert gerast í réttlætisátt og spillingin virðist alltaf látin ráða á kosnað þeirra sem eru að missa allt sitt í dag.

Ákall til Jóhönnu.

 Ég hafði trú á þér en þolinmæðin er á þrotum þið verði'ð að fara frá.

Nú þarf þjóðin einhvers konar neyðarstjórn sem er samspil af íslendingum og útlenskum sérfræðingum þar spillingin á Íslandi hefur kraumað svo lengi yfir öll velsæmandi mörk.

 

63 milljarðar í kaup úr sjóði Landsbanka

Kúguð þjóð á tímamótum.

Ég hlustaði á stefnuræðu forsætisráðherra og aðrar ræður með öðru eyranu.

Jóhanna kom ágætlega frá sinni ræðu og harmaði á því að þeir sem komu okkur í þennan skít munu bera ábyrgð, gott mál.

Sigmundur Davíð hélt mikla og góða ræðu og fannst ríkisstjórnin gera allt öfugt, Get ég tekið undir sjónarmið Sigmundar í þeim efnum enga hafa pistlar mínir síðsustu vikna fjallað um það.

Birgitta sagði í sinni ræðu að íslenska þjóðin væri tæknilega gjaldþrota.  Ég tek undir sjónarmið Birfittu og hef ég tjáð þá skoðun mína í pistlum á síðustu vikum.

Í mínum huga eigum við að hunsa elenda kúgara.  Við eigum að frysta öll lán landsmanna næstu þrjú árin og nota tíman til að berjast fyrir tilveru rétti landsins.  Það er bráðnauðsynlegt að mynda hér á landi einhvers konar neyðarstjórn með öllum þeim bestu og vitrustu mönnum sem þjóðin hefur upp á að bjóða.

Í mínum huga er íslenska þjóðin komin í stríð þar sem þjóðin sættir sig ekki við þessa afarkosti og kúgun sem brétar og hollendingar eru að reyna að setja yfir okkur.

Að lokum.

Evrópu draumur Samfylkingarinnar er bara draumur.  Fólk eins og ég sem var tilbúinn að skoða hvað væri í boði er orðinn mjög andsnúinn því að mynda bandalag með þjóðum sem vilja kúga og drepa hagkerfi okkar á þessu litla landi.

Þegar landið á í efnahagslegu stríði þá verður ríkisstjórnin/neyðarstjórnin að búa til efnahagsleg skilyrði fyrir landsmenn til að við getum varist þessum kúgurum.

H0lsum sjálfstæðisbaráttunni áfram.

Við verðum að losa okkur sem fyrst við AGS úr landi. því fyrr því betra.

Málið snýst um það hvort við ætlum okkur að vera kúguð þjóð um aldur og æfi eða berjast fyrir sjálfstæði landsins.

Hétu öll stuðningi

Skattpíningaráform stjórnvalda er brandari ársins.

Ég er alveg sammála því að hún er varhugaverð þessi skattpíning.

Þess vegna ætla ég að láta einn brandara fljóta sem ég fékk í pósti um daginn.

Lesið nú vel þar sem þessi brandari er góður

 

Á góðum degi í framtíðinni ...

Steingrímur Sigfússon er kominn til himna þar sem hann hitti Lykla-Pétur.

Lykla-Pétur varð svolítið vandaræðalegur: „Eh, velkominn,“ sagði hann loks. „Þakka þér fyrir,“ sagði Steingrímur, „ég vissi að ég mundi enda hér“.

„Nja,“ sagði Pétur , „þú hefur lifað sæmilega frómu lífi, eða þannig, svo við vildum gjarnan hafa þig hér en því eru ekki allir sammála. Þú ert umdeildur maður og það hafa fleiri áhuga á þér en við hér í himnaríki. Við urðum að halda fund með djöflinum þar sem þetta var rætt og það endaði með því að við gerðum samning við hann.“

„Samning!“ Hrópaði Steingrímur og var sýnilega brugðið.

„Það er nú ekki alslæmt,“ sagði Pétur, „en djöfullinn sagðist nú þegar hafa flesta vini þína svo við sömdum um að þú eyddir einum sólarhring í helvíti og öðrum hér hjá okkur í himnaríki og svo velur þú sjálfur hvar þú dvelur um aldur og eilífð.

Steingrímur maldaði svolítið í móinn en samningur er jú samningur svo Pétur vísaði honum á lyftuna, kvaddi hann og sagðist sjá hann eftir sólarhring. Steingrímur ýtti á hnapp merktan „helvíti“ í lyftunni og seig svo langt, langt niður á við þar til lyftan stoppaði við kolsvarta hurð. Þegar dyrnar opnuðust stóð djöfullinn sjálfur fyrir innan. „Gamli vinur, vertu hjartanlega velkominn, gakktu í bæinn,“ sagði kölski.

Steingrímur fór inn og við honum blasti risastór golfvöllur. Margir af hans gömlu flokksbræðrum léku golf á vellinum eða stóðu í smáhópum og töluðu saman. Golfvöllurinn var fullkominn. Það var heitt í lofti og út um allt voru léttklæddar, snoppufríðar djöflastelpur sem færðu mönnum bjór og aðra kalda drykki. Steingrímur lék golf allan daginn og um kvöldið bauð Svavar Gestsson, honum í „gúrme“grill ásamt Indriða, Álfheiði og fleiri góðum vinum með öllu góðgæti sem hugsast gat. Fáum sögum fer af því hvernig Steingrímur eyddi nóttinni en sólarhringurinn í helvíti var fljótur að líða og morguninn eftir var honum vísað á lyftuna á ný.

Þegar Steingrímur kom aftur til himnaríkis var hann efins um ágæti þess staðar en það var samt sem áður tekið vel á móti honum. Hann var klæddur í englaföt og fengin harpa til að leika á. Hann eyddi deginum með því að ganga um milli skýjanna, hlustaði á fagran fuglasöng og borðaði ferska ávexti. Hann fékk reyndar í magann af ávöxtunum og það pirraði hann að sjá Davíð og Þorgerði sitja saman á skýi og leika á hörpur af mikilli innlifun.

Um kvöldið kom Pétur. „Nú ertu búinn að dvelja heilan sólarhring í helvíti og heilan dag hér í himnaríki. Ertu kannski búinn að ákveða þig?“ Spurði Lykla-Pétur.

„Hmm,“ sagði Steingrímur, ég átti nú kannski ekki von á því en ég held að ég velji helvíti, þrátt fyrir allt. Það er heppilegasti staðurinn fyrir mig.“ Andlitið datt af Pétri og hann reyndi hvað hann gat að fá Steingrím ofan af ákvörðun sinni. En Steingrímur var harðákveðinn.

Á ný fór Steingrímur með lyftunni niður í helvíti og djöfullinn tók aftur á móti honum. Hann kippti Steingrími inn en þar var þá allt öðru vísi umhorfs en daginn áður. Brennisteinsfnykinn lagði um allt og skerandi sársaukavein flokksbræðra hans og vina fylltu loftið. „En hvar er golfvöllurinn?“ Spurði Steingrímur. „Og djöflastelpurnar, bjórinn og grillið?

„Ah,“ sagði djöfullinn, „þú skilur þetta mann best, í gær var kosningabaráttan í fullum gangi. En nú ertu búinn að kjósa!“
 
 

Telur útilokað að leggja nýja skatta á álverin

Atvinnuleysi verður yfir 15% á næsta ári.

Aðgerðir ríkisstjórnarinnar er stöðnun.

Aðgerðir ríkisstjórnarinnar þíðir í mínum huga 15% atvinnuleysi í lok næsta árs.

Aðgerðir kommanistastjórnar Íslands þíðir algjör stöðnun.

Aðgerðir kommanistastjórnar Íslands þíðir landflótta.

Aðgerðir kommanistastjórna Íslands þíðir algjört hrun.

Þess vegna verður þessi ríkisstjórn að fara frá strax.

Kommanistastjórnin er búin að ríkisvæða fólkið í landinu og frelsi einstaklingsins.

Aukið langtímaatvinnuleysi

Ríkisstjórnin verður að fara frá.

Virkilega er þetta stjórnarsamstarf SF og VG farið að reyna á mann.  Ég er búinn að vera veikur í 5 daga.  Fór í vinnuna í dag drullu slappur þar sem ég kann ekki að vera veikur enda hef ekki fengið hita og kvefpest í mörg ár fyrr en nú.

Ég skil vel að Bjarni vilji fá fund með ríkisstjórninni.  Stjórn sem ætlar að skattpína þegna sína í rjáfur endar bara á einn veg.  Við gerum uppreisn og komum þessari vanhæfu stjórn frá strax.  Þetta stjórnarfar sem okkur íslendingum hefur verið boðið uppá síðastliðin tuttugu árin er orðið meira en rotið og óþolandi. Núverandi stjórn ætlar síðan að láta okkur sem aldrei tóku þátt í þessm fáránleika borga brúsan meðan sökudólgarnir spóka sig um í vellystingum.  Nei og ekki lengra.

Ríkisstjórn Davíðs Oddsonar dásamaði svokallaða auðjöfra sem stálu og sviku allt sem hægt var að nýta.  Þeir svifust einskis og áttu einungis eftir að einkavæða ömmu sína og bjóða hæst bjóðenda.  Á okkar klaka var einkavæðingar vinarvæðingin í fyrirrúmi og var maður að nafni Finnur Ingólfsson svo fáir séu nefndir á nafn fljótir að nýta tækifærið og rýja þjóð sína svo landsmenn í dag hafa einungis fötin eftir af sér til  að selja til að hafa ofan í sig og sína fjölskyldur.

Síðan batnar ekki ástandið þegar kommanistastjórn tekur við völdum.  Þá á að gera allt til að íslenska þjóðin leggist á grúfu kjökrandi af kvölurum sínum og við skulum lofa að borga allt í topp fyrir glæpamenn og landráðamenn þjóðarinnar.  Hvers á almenningur að gjalda?

Síðan kemur fjármálafrumvarpið og þá á að leggja snöruna á háls okkar og við eigum varla geta litið glaðan dag enda boðið upp á vatn og brauð í boði kommanistastjórnar Íslands næstu 50 árin.

Síðan reyna einstakir ráðherrar að vinna skemmdarverk á endurreisninni.  Það er ekki hróflað við ráðherranum sem gerir nánast ekki neitt nema að vinna skemmdarverk enda geta þannig hlutir gengið í ættliði.

Ef þessi arfaslappa ríkisstjórn ætlar að halda á sömu braut þá verðum við landsmenn að koma henni frá sem fyrst.  Þjóðin þolir ekki svona stjórnleysi og sundrung innan stjórnarheimilisins.

Í mínum huga þarf að koma upp einhvers konar þjóðstjórn eða neyðarstjórn sem skynjar það að almenningur hefur ekki mikið svigrúm  að taka á sig drápsklyfjar þar sem þær eru þegar komnar fram í hækkunum matarverðs um 50% á einu ári og fl.

Það hljóta allir að sjá að þessi ríkisstjórn er vanmáttug og tekur ekki á vanda þjóðarinnar.

Að lokum.

Verkefni þessarar ríkisstjórnar er henni ofurvaxið langt yfir höfuð.  Þessi ríkisstjórn á að viðurkenna vandann og skila umboðinu sínu til óla grís.  Síðan á óli að reyna að mynda þjóðstjórn með öllum þeim hæfustu mönnum sem þjóðin á um þessar mundir.

Okkur vantar sameiningar tákn.  Kanski mun sá maður sem ég kalla óla grís í dag fá virðingu ef hann nær að sameina þjóðina?

Mín heitasta ósk er að maðurinn sem ég kalla óla grís muni ég geta sagt eftir stuttan tíma herra forseti Ólafur Ragnar Grímsson forseti og sameiningartákn íslenska lýðveldisins.

En líklegast verður það borin von í nánustu framtíð.

En baráttan fyrir framtíð Íslands heldur áfram.

Fundað með stjórnarandstöðu