Ritskoðun hafin í íslensku þjóðfélagi.

Finnst ykkur ekki undarlegt að ekkert var fjallað um undirskrift forsetans á stöð 2 og sára lítið í ríkissjónvarpinu.

Þetta stóra mál er gjörsamlega þagað niður.  

Er þetta það Ísland sem við eigum að búa í?

Allt upp á borði sögðu ríkisstjórnarflokkarnir fyrir kosningar en það var vissulega sagt bara í orði.

Upprisa íslensku þjóðarinnar hefst ekki nema að ríkisstjórnin fái okkur sauðsvarta almúgan með sér í lið.

Ef leiðinlegur mórall er í liðinu þá tapar liðið og allir í kringum liðið.

Ef framkvæmdarstjórinn t.d Steingrímur J og Jóhanna tekst ekki að búa til lið þá verða þau að hreinsa til í yfirstjórninni eða að taka við einhverju öðru liði því hættan er á að við leikmenninir sættum okkur ekki við svona.

Saka ráðherra um hótanir

Dapur dagur á Bessastöðum.

Það er ekki gott mál þegar suðsvarti almúginn hefur það á tilfinningunni að forseti íslenska lýðveldisins standi áfram með þeim sem komu okkur á kaldan klakann en hunsar vilja almennings að láta álit sitt í ljós.

Ég hef aldrei heyrt forsetan gagnrýna þessa gengdarlausu útrás og það hvernig menn höguðu sér.

Síðan er flokkur Samfylkingarinnar umhugsunarefni?  SF hefur talað fyrir því að stór mál ættu að fara í þjóðaratkvæðagreiðslu?  Hvað telst vera stór mál ef Icesave drápskljifar málið er það ekki? Ótrúlegt en satt en svona er þetta í dag og engu að treysta.

 

 

Bloggheimar loga vegna ákvörðunar forsetans

Ekki samkvæmur sjálfum sér?

Hvað á maður að segja um titlaðan forseta Íslands?

Er hann forseti allra þjóðarinnar?  Ég segi nei.

Er hann forseti helmings þjóðarinnar?  Ég segi já.

Það er slæmt fyrir þjóðina að hafa forseta sem er ekki sameiningartákn allra landsmanna.

 Samfylkingin hefur barist fyrir því að mikilvæg mál sem brenna á þjóðinni fari í þjóðaratkvæðagreiðslu?

 Spillingin heldur áfram og baráttan gegn spillingunni heldur áfram.

Áfram Ísland

Forsetinn staðfestir Icesave-lög

Steingrímur J Sigfússon? Farðu nú að tala við fólkið í landinu.

Þið skuluð borga Icesave reikninginn sagði Steingrímur J Sigfússon í viðtali fyrr í kvöld!  Ég mun sjá til þess að þið með breiðu bökin "þjóðin" borgið!  Ég mun leggja á ykkur óbæralega skatta þannig að þið getið hvorki horft upp eða niður næstu 30 árin.  Það verða allir að leggja sig fram og þið sem nennið að vinna og hafið 400.000 kr og yfir á mánuði í heildarlaun eða útborguð laun 190.000 á mánuði ættuð að geta borgað.

Einhvern veginn svona virðist hugsun þessa manns vera um þessar mundir.  Hann virðist engan veginn gera sér grein fyrir því að matarverð hér á landi hefur hækkað um allt að 50% að meðaltali og allt annað eftir því.

Þegar þingmenn verða veruleikafyrrtir, lokaðir frá umheiminum inn í þinghúsi þjóðarannir allt of lengi verðum við að koma þeim í skilning um það að það er nauðsynlegt að fara öðru hvoru út á meðal þjóðarinnar og fá sér frískt loft.

Ég vara Steingrím við því að steypa íslensku þjóðinni í glötun með þeim öllum drápsklyfjum sem hann hefur boðað yfir íslensku þjóðina.

Ef Steingrímur sem fjármálaráðherra heldur að þjóðin sætti sig við að borða fjallagrös í annað hvert mál, þá er hann á villigötum.

Að reysa  þjóðina upp úr þessum rústum þá verður að gefa henni von.  Boðskapur Steingríms gefur íslensku þjóðinni andlát, máttleysi og sundrung.

Þessi stjórnunarstíll Steingríms mun ekkert gefa í kassann?  Allir reyna að bjarga sér?  

Svarti markaðurinn mun blómstra þar sem allir reyna að lifa af.

Háskalegt að borga ekki

24% fylgjandi Icesave,

Það er eftirtektarvert að sjá hvað margir eru hlyntir samningnum eða 24%

Líklegast er skýringin sú að um helmingur hefur kynnt sér hann illa og þess vegna ekki marktækur í skoðun á honum.

En forsetinn á að taka þessa skoðanakönnun til greina og setja hann í þjóðarkosningar.

Meirihluti á móti ríkisábyrgð

Gjá milli þjóðar og þings? ÞJÓÐIN Á AÐ EIGA SÍÐASTA ORÐIÐ.

Þetta er tveir vondir kostir?

Því er sá kostur betri að láta ekki kúga okkur að borga eitthvað sem hinn venjulegi almenningur stofnaði ekki til.

Því skora ég á forsetan að skrifa ekki undir Icesave lögin þar sem mikil gjá er milli þjóðar og þingheims í þessu máli.

Verum sterk þjóð, berjumst og látum ekki kúga okkur.

Hvattur til að synja Icesave

Flott að fá Guðjón í Sjávarútvegsráðuneytið.

Ég fagna því að fá Guðjón í Sjávarútvegsráðuneytið.

Loksins hefur Guðjón tækifæri til að standa við stóru orðin.

Sammála Guðjóni að umpóla þurfi þessu gjörspilta og handónýta fiskveiðistjórnunarkerfi.

Áfram Guðjón!  75% þjóðarinnar styður þig til  góðra verka um réttlát og öflugt fiskveiðastjórnunarkerfi.

Guðjón Arnar í sjávarútvegsráðuneytið

Þetta er fjárkúgun.

Vissulega flokkast það undir fjárkúgun þegar fólk þarf að borga eitthvað sem þeim í prinsippinu ber ekki að borga.

Að örfáir einstaklingar hafi getað leikið þjóð sína svona grátt er með ólíkindum.

Það er líka með ólíkindum að þeir sem bera ábyrgðina lifa enn góðu og blómlegu lífi með auð sinn og hlægja að okkur smælingjunum hvað þeir eru ofsalega klárir.

Hvers vegna er ekki unnið hraðar í því að eigur þessara manna séu teknar upp í ICESAVE skuldina og sjá svo til hvað stendur út af borðinu í lokinn?

Hvernig skyldi lánabók Glitnis og Landsbankans líta út?

Segja Íslendinga beitta fjárkúgun

Ísland er rúið trausti utanlands jafnt sem innanlands.

Alþingi er algjörlega rúið trausti ?

þar innanborðs virðast eingönguu vera gungur og druslur fyrir utan 2 í borgarflokknum, 2 í Sjálfstæðisflokknum, einn óháðan síðan alla þá nýju alþingismenn sem skipa Framsóknar flokkinn.

Kannski hefur hinn nýji Framsóknar flokkur gert upp við spillinguna sína og maður eins og ég hafi von um að styðja eitthvað stjórnmála afl hér í framtíðinni.

Það er ömurlegt að fylgjast með alþingi um þessar mundir þar sem þeir hafa í sjálfu sér svikið þjóðina með því að segja að við almenningur eigum að borga drápsklyfjar fyrir óreiðumennina.

HVERNIG ÆTLAR RÍKISSTJÓRNIN AÐ EIGA VIÐ UPPREISNINA HÉR INNANLANDS SEM BYRJAR NÚ Í HAUST?

Þessi ríkisstjórn verður að fara frá og sem fyrst.  Við verðum að fá þjóðstjórn eða fólk sem skilur vanda heimilanna.

Ríkisstjórn sem fælir allt fólk úr landi er ekki ríkisstjórn fólksins.

Nú þarf að bretta upp ermar og skapa skylirði fyrir búsetu á þessum útnára.

 

Það var engin spilling á Íslandi árin 2006 og 2007 samkvæmt könnun Transparency International

Ísland var í sjötta sæti á lista yfir lönd þar sem minnst spilling ríkir í stjórnsýslunni árið 2007.

Þetta kom fram á lista sem óháða eftirlitsstofnunin Transparency International gaf út árið 2007.

 Árið 2006  var Ísland í efsta sæti listans ásamt Finnlandi og Nýja-Sjálandi.

Þau lönd voru enn í efsta sæti listans ásamt Danmörku með einkunnina 9,4 árið 2007.

 Spilltustu löndin, það er þau lönd sem alþjóðleg fyrirtæki og stofnanir bera minnst traust til, voru hins vegar Myanmar og Sómalía.

Alls eru 180 ríki á lista Transparency International. Ísland fær einkunnina 9,2 en þau spilltustu, Myanmar og Sómalía fá einkunnina 1,4 af tíu mögulegum. Þriðja spilltasta landið er Írak með einkunnina 1,5.

Hvar er Ísland á listanum árið 2009 og með hvaða einkunn?

Þegar stórt er spurt er lítið um svör