Færsluflokkur: Lífstíll

Æfingarnar ganga framar vonum fyrir Hamborg maraþonið.

Nú er að nálgast hámark æfingarálagsins fyrir Hamborg maraþonins.  Ragnar bróðir stendur sig frábærlega í lýsisbrennslunni og er farinn að geta notið þess að hafa æft hlaup í mörg ár án þess að  geta létt sig að einhverju ráði fyrr en nú þar sem hann er um þessar mundir að nálgast kjörþyngd sína.

Næstu vikur verða erfiðar og verður lögð áheyrsla á að komast í gegnum löng hlaup, 25-35 km einu sinni í viku ásamt tempó,sprettum og styrktaræfingum.

Reynslubanki hlauparans er mikil.  Ragnar bróðir hefur hlaupið í mörg ár, ég aftur á móti minna og þarf ég að æfa vel til að ég geti nartað í hæla bróður míns og við komið saman í mark.

Ég get,ég vil, ég skal.  Það skulu verða mín síðustu orð að sinni en anskoti hef ég gaman af þessu.

Við bræður munum njóta þess að vera saman úti í Hamborg og munum gera okkar besta og njóta þess að vera til vegna þess að lífið er yndislegt og nauðsynlegt að hafa gaman af því.

Síðan skora ég á alla íslendinga að fara að hreifa sig, byrja hægt með stig vaxandi tempói.


Að finna sína leið?

Eftir að hafa verið sjómaður í um 20 ár fór ég í land og fór að vinna hjá Alcan Ríó Tintó.

Það var mikið sjokk fyrir mann sem hafði nánast unnið erfiðis vinnu allt sitt líf og langan vinnutíma.

Á þessum árum höfðu nokkur aukakíló bæst á líkaman vegna þess að lítill tími var til líkamsræktar og engin fræðsla um það hvað var holt og gott.

Það var vissulega mikið sjokk fyrir mann eins og mig að fara í land og vinna einungis átta tíma á dag fimm daga vikunar og síðan fjögra eða fimm daga frí. 

Ég hugsaði mér með mér að nú skyldi ég nota frítímann til að koma mér í form?

Ég byrjaði oft, fór of geyst og gafst alltaf upp þar sem hugurinn var tuttugu ára en líkaminn helmingi eldri.

Það var ekki fyrr en ég gat lært af öllum mistökunum og farið að byggja minn feita líkama upp að eitthvað fór að gerast í mínum málum.

Það snýst allt um það að fara hænuskrefið áfram og aldrei að ofbjóða  líkamanum. Fara hægt á stað og auka tempóið miðað við að þú sért aldrei að keyra þig áfram á hærri púls en sjötíu prósent miðað við þinn hámark púls.  En vissulega breytist það þegar þú ert kominn í fanta form þá keyrir þú þig áfram til að ná hámarks árangri.

Nú á ég árs hlaupaafmæli á gamals aldri og ætla mér að sigra sjálfan mig og helst að hlaupa Hamborgara maraþonið undir 3.30 klukkustundum.

Munið að byrja hægt með ört vaxandi tempói sem allir þola. það mun gefa mesta árangurinn.

 

Segir sá sem var 115 kg í byrjun árs 2008.


Æfingarnar verða stig vaxandi á næstunni.

                                                       10-17 Janúar,

 

Æfingarnar ganga vel og er ég loksins oðinn laus við hásinameiðslin enda er ég búinn að maka daglega voltaren kremi á kálfann.

Hlaupafélagi minn Raggi bróðir æfir eins og skepna og hefur hann þegar misst um 5 kg á 17 dögum enda hvetjum við hvorn annan áfram og ætlum að toppa þegar í Hamborg maraþonið verður farið eftir rúma þrjá mánuði.

Löngu hlaupin eru að aukast og hljóp ég 17 kílómetra og 20 kílómetra í vikunni ásamt nokkrum tempó hlaupum. 

Þetta er mikil ástríða að geta hreift sig eftir að hafa verið fangi offitusjúklings í rúm tuttugu ár.  Við bræður munu berjast á æfingum áfram til að ná markmiðum okkar að komast í gegnum þonið á tíma kringum 3 tíma og 30 mínútur þótt vissulega yrði maður sáttur við tíma kringum 4 tíma eða 4 og hálfan tíma í okkar fyrsta hlaup.  En við sjáum til þar sem við höfum aldrei tekið þátt í svona löngu hlaupi.

Í íþróttum er hvíldin nauðsynleg og mun ég þess vegna hvíla nú um helgina,laugardag og Sunnudag, safna kröftum fyrir næstu viku þar sem ég ætla að æfa upp á hvern einasta dag.  Það er nauðsynlegt að skipuleggja sig fram í tíman vegna vinnu og annara skyldustarfa.

Það sem af er mánuðinum hef ég hlaupið og hjólað.

Hlaupið 86 km.

Hjólað  215 km.  

Ég skrái allar æfingar mínar á vefsíðunni hlaup.com.

 

 


Æfingar fyrir Hamborg maraþonið.

Nú er það ákveðið?

 

                                                          2-9 JANÚAR

 

Við bræður ætlum ekki að taka þá í Kaupmannahafnarmaraþoninu heldur ætlum við að taka þátt í Hamborg maraþoninu þann 25 apríl. Þetta verður fyrsta maraþonið okkar og verður gaman að sjá hvernig okkur gengur í því.  Við erum búnir að staðfesta og borgað þáttökugjaldið.  Einnig erum við búnir að greiða fyrir ferðina og uppihald þannig að nú eru bara þrotlausar æfingar fram að þoninu.

Hamborgara maraþonið er eitt það stærsta í Evrópu þar sem 25.000 hlauparar taka þátt.  Vanir hlauparar hafa sagt að það sé mjög vel skipulagt og aðbúnaður sé eins og best sé á kosið.  Breiðar götur og lítið um átroðning eftir að hlaup er hafið.

Æfingar eftir áramótin byrjuðu þó ekki vel og tognaði ég aðeins í hásinni en það virðast vera krónisk meiðsli sem ég þarf að lifa með og verð ég að passa mig vel, hita vel upp og taka ekki hröð tempó fyrr en ég er orðinn vel heitur.

Vegna meiðslana þá hef ég notað hjólið mjög mikið til að halda úti þoli og snerpu en er að mestu orðinn góður í dag enda alltaf að verða skynsamari í æfingarferlinu.

                       Æfingar frá áramótum hafa verið eftirfarandi :

Hjól  162 km.

Hlaup 25 km.

Nú höldum við bræður áfram og stefnum á að  toppa þann 25 apríl.

 

 

 


Mitt fyrsta Maraþon í Kaupmannahöfn 23 Maí.

Á næstu mánuðum mun ég helga þessari blogg síðu undirbúningi mínum  fyrir Kaupmannahafnarmaraþonið þar sem við bræður ætlum að taka þátt í því þann 23 maí á næsta ári.  Þar af leiðandi mun fara minna fyrir stjórnvalda gagnrýni en samt mun ég senda inn eina og eina grein eftir því hvernig landið liggur hverju sinni.

Það er orðið nákvæmlega eitt ár síðan ég gat hlaupið að einhverju ráði eftir að ég  hafði barist við offitu í um tuttugu ár.  Áður en ég gat hlaupið þá tók ég matarfíknina í gegn þá labbaði ég 3-6 km á dag í um fjóra mánuði.

Það var mikil þrautarganga að breyta sínu lífsmunstri og var mjög erfitt fyrir 30 kg of þungan mann að fara á stað.  Stoðverkir hér og þar og ekkert annað en að bíta á jaxlinn.   Stundum gat ég ekki gengið þar sem líkaminn varð fyrir svo miklu sjokki að fá allt í einu alla þessa hreifingu.

Snemma sumar varð ég fyrir óþægilegum meiðslum í hásinni sem urðu þrálát í um 3 mánuði og missti ég af þess völdum af markmiði mínu að taka þátt í Reykjavíkumaraþoninu í ágúst síðastliðnum og var það mér mikil vonbrigði miðað við mín háleitu markmið.  En ég æfði alltaf eitthvað en fór að hugsa um það að æfa rétt og fara aldrei fram úr sjálfum mér.  

Í haust kom ný hugsun og bjó ég til mitt eigið prógramm sem miðast við það að æfa og vera meiðslafrír.  Ég æfi eins mikið og ég get 4-6 sinnum í viku og hlusta alltaf á líkamann.  Þolið er orðið frábært og mjólkursíran í löppunum er horfin.  

Stefnan í Kaupmannahafnarmaraþoninu er að hlaupa á tímanum undir 3 klukkustundum og 30 mínútum og tel ég mig eiga að geta það ef allt gengur upp.  En vissulega er þetta mun strangara markmið en ég setti mér  þegar ég hljóp hálft maraþon síðastliðið vor eftir að hafa æft hlaup í 4 mánuði en þá setti ég markmiðið við 2 tímana en hljóp á 1 klukkutíma 48 mínútum sem mér var sagt að væri frábært hjá manni með ekki meiri hlaupa reynslu.

Æfingin í kvöld gekk vel og hljóp ég 12,5 km á bretti á klukkutíma og átti nóg eftir þannig að þetta lofar góðu.


Ég breyttist úr feitum manni í Maraþonhlaupara.

Ég get heilshugar tekið undir þessa rannsókn.

Á sextán mánuðum hef ég tekið af mér 31kg.  Var 115 kg en er í dag um 83-85 kg.

Ég hugsaði eitthvað út í mataræðið en sleppti þó mestu óhollustunni eins og frönskum og fl í þeim dúr.

Fjölbreyttnin í matarkeðjunni er nauðsynleg og að fara í einhverja megrun er ávísun á að fitna aftur.

Lausnin er einföld?  Við þurfum að hreyfa okkur í takt við það sem við látum ofan í okkur.

Svelti þýðir engin brensla og víxlverkun á að vera feitur ævilangt.

Í dag borða ég nánast allt og jafnvel mikið miðað við hinn meðal mann.  En hreyfi mig í takt við þær hitaeiningar sem ég læt ofan í mig.  Ég er að segja það að ég hef þurft að auka við matinn vegna aukinnar hreyfingar.

Þannig að þessi kenning á við og er ég henni sammála.


mbl.is Feitur matur fitar ekki
Tilkynna um óviðeigandi tengingu við frétt

Óbærilegar skattahækkanir framundan.

Hvað þýðir þetta?

Að mínu viti þýðir þetta óbærilegar skattahækkanir framundan?

Vegna aðgerðaleysi ríkisstjórnarinnar gagnvart heimilum landsins er að styttast í það að meirihluta þjóðarinnar fer að leggjast í greiðsluléti þar sem ekkert er framundan nema áratuga örbrigð.

Á meðan ganga þeir lausir sem bera ábyrgðina og hlægja af okkur sauðsvarta almúganum og finnst það sjálfsagður hlutur að við borgum og borgum.

Sem venjulegur millitekjumaður er ég farinn að finna verulega fyrir buddunni og þau tímamót koma örugglega að margir íslendingar sem geta staðið í skilum í dag geta það ekki eftir nokkra mánuði.

Ég ætla að taka þátt í því með samtökum heimilana um mánaðarmótin október að borga ekkert í 15 daga. Sýna þar með táknræn mótmæli.  Vona að sem flestir landsmenn sjái sér fært að taka þátt í þessum táknrænu mótmælum og mótmæla þessu aðgerðaleysi ríkisstjórnarinnar gagnvart heimilum landsins.


mbl.is Icesave-frumvarp samþykkt
Tilkynna um óviðeigandi tengingu við frétt

Ég varaði við græðigisvæðingunni árið 2000 með grein í Morgunblaðið.

Árið 1999 og árið 2000 sá ég mig knúinn að skrifa greinar í Morgunblaðið þar sem ég varaði landsmenn við þeirri græðgisvæðingu sem þá var að byrja að tröllríða Íslandi með þeim skelfilegu afleiðingum sem við búum við í dag.

----------------------------------------------------------------------------------------------------------------

 Aðsend grein sem birtist í Morgunblaðinu í febrúar árið 2000.

Ég vil biðja fólk að standa vörð um mannréttindi sín, segir Árelíus Þórðarson, og berjast gegn öllu því óréttlæti sem yfir það er látið ganga.

 

Á SÍÐUSTU árum hafa hagsmunasamtök innan LÍÚ með stuðningi stjórnvalda troðið á mannréttindum sjómanna með ótímabærum lagasetningum. Þegar sjómenn hafa reynt að leita réttar síns í gegnum kjarasamninga, til að stöðva kvótabraskið og sukkið, hafa hagsmunir LÍÚ-mafíunnar verið látnir ríkja með stuðningi stjórnvalda. Það mætti halda að stjórnvöld væru viljalaust verkfæri í höndum LÍÚ. Þó svo forsætisráðherra bendi Hæstarétti á að dæma eftir öðrum leiðum en dómur Héraðsdóms Vestfjarða í Vatneyramálinu segir til um vona ég að Hæstiréttur hafi dug og þor til að dæma eftir stjórnarskránni svo að hægt sé að leiðrétta það óréttlæti og misrétti sem þetta kvótaúthlutunarkerfi hefur valdið íslensku þjóðinni. Síðasta áratuginn hafa sægreifarnir misboðið siðferðilegri vitund hins almenna borgara í landinu, þegar þeir sem hafa hætt rekstri selja "kvótann", sameign þjóðarinnar, og ganga út úr greininni með hundruð eða þúsundir milljóna í gjafafé. Forstjóri FBA sagði í sjónvarpsfréttum hinn 24. janúar að þeim heimilum, sem ættu meira en 70 milljónir króna, muni fjölga um 8% á næstu 3 árum vegna þess að margir munu hætta að gera út og hverfa úr sjávarútveginum með kvótagróðann, "sameign þjóðarinnar", en aðrir munu hagnast á verðbréfum. Ég varaði við því í grein minni 5. maí síðastliðinn að með óbreyttu stjórnarfari yrðu tvær þjóðir í þessu landi, "almúginn" sem ætti minna en ekki neitt og "fína fólkið" sem braskaði með eigur þjóðarinnar. Kvótaúthlutunarkerfið er meingallað. Það orsakar gríðarlegt brottkast á fiski. Eignir hafa safnast á færri hendur. Lítil sem engin nýliðun hefur verið í greininni. Sjávarbyggðirnar lagðar í rúst sem leiðir til þess að flóttafólk af landsbyggðinni streymir til höfuðborgarinnar í leit að atvinnu og húsnæði. Einnig vil ég nefna það að fáir vilja mennta sig til skipstjórnarstarfa í dag og er það skiljanlegt þar sem ungir athafnamenn eiga ekki lengur möguleika á að eignast bát til að veiða og hagnast. Hvar er frelsið til athafna?

 

Varúð

Með sama stjórnarfari er lýðræði þjóðarinnar í stórhættu, hagsmunir auðvaldsins eru látnir ráða á kostnað almúgans í landinu. Þannig stefnir í að eignaskiptingin verði eins og í Brasilíu, þar sem 7% þjóðarinnar eiga allt en 93% þjóðarinnar minna en ekki neitt. Þá geta landsmenn hugsað um það hvort ekki sé betra að flytja til Kanaríeyja. Svo er komið að forseti þjóðarinnar sá ástæðu til að benda á það við setningu Alþingis að hætta væri á, með sömu þróun, að valdið færðist út fyrir sali þingsins.

Á dögum Sovétríkjanna var til stjórntæki sem nefndist heilaþvottur, þar sem almúginn var mataður af því sem ráðamenn í Kreml vildu láta heyrast. Oft hef ég haft það á tilfinningunni að verið sé að beita þessu stjórntæki hér á okkar litla Íslandi. Sem dæmi má nefna hina svokölluðu sáttanefnd, hún var kosningaloforð stjórnarflokkanna fyrir síðustu kosningar, sem mataði almenning á því að reyna ætti að ná sátt um stjórn fiskveiða. Þessi nefnd var sjónarspil stjórnarflokkanna til að villa um fyrir almenningi í landinu. Að mínu viti mun aldrei nást sátt úr þessari nefnd.

 

 

Samningar

Nú eru samningar á næsta leiti og vil ég skora á landsmenn að styðja við bakið á verkalýðshreyfingunni í komandi kjarasamningum þannig að þjóðarsátt verði um það að lægstu launin hækki mest á kostnað þeirra sem hærri launin hafa og þrælahald vegna láglaunastefnu atvinnurekanda og ríkisstjórnarinnar verði afnumið. Það er ekki líðandi að horfa upp á fólk allt í kring um sig, sem á ekki til hnífs og skeiðar vegna þess að hagsmunir þessa fólks eru látnir víkja fyrir peningaöflunum í landinu. Við verðum að stöðva þá þróun að flutt er inn vinnuafl frá vanþróuðu ríkjunum til að halda launum verkafólks niðri. Hvernig er komið fyrir farmannastéttinni?

Að öllu óbreyttu munu mörg heimili leysast upp á næstu árum vegna þess að stór hluti almennings í landinu hefur útborguð laun sem jaðra við fátæktarmörk og getur ekki staðið við skuldbindingar sínar, þar sem skuldir heimilanna hafa meira en tvöfaldast á síðustu árum. Að lokum langar mig að biðja fólk að standa vörð um mannréttindi sín og berjast gegn öllu því óréttlæti sem yfir það er látið ganga. Einnig að standa vörð um lýðræði lands og þjóðar með því að láta skoðanir sínar í ljós.


Við verðum að fá besta fáanlega fólkið til að stjórna landinu, ekki kjána.

Ég hef alltaf verið þeirra skoðunar að við eigum ekki að samþykja þennan Icesave samning og binda okkur í skulda klafa um ókomin ár SEM ÞÝÐIR MIKLA FÁTÆKT.

Ríkisstjórn Jóhönnu Sigurðardóttur þeirra ágætu konu hefur valdið mér miklum vondbrigðum.  Þessir skattaklafar næstu áratugina sem ríkisstjórnin er búin að boða munu valda öllum íslenskum almenningi þvílíku tjóni og fátækt að best er að viðurkenna vandann STRAX og þess vegna lýsa yfir þjóðargjaldþroti.

Almenningur getur ekki tekið við áformuðum skattahækkunum, það er vonlaust og þýðir alsherjar gjaldþrot tug þúsunda venjulegra heimila.

Nú þurfum við þjóðstjórn, ekki stjórn sem almenningur treystir ekki.

Hef hugsað um það í margar vikur hvort fjölskyldan eigi að pakka niður  og flýja land eins og flóttamaður frá stríðsþjáðu landi.

Enn mun ég sjá til og bíð eftir framtíðarsýn sem venjulegt fólk getur búið við.


mbl.is Geir Haarde: Hann tók því illa
Tilkynna um óviðeigandi tengingu við frétt

Sorglegur þjóðhátíðardagur um stefnu ríkisstjórnarinnar að reysa skuli tjaldborg í stað heimila

Sorglegt en staðreynd.

Ég held að ríkisstjórnin hafi mismælt sig þegar hún sagðist ætla að standa vörð um skaldborg heimilanna.  Ég held að hún hafi meint að stuðla skuli að tjaldborg í stað heimilanna og líklegast er það sem koma skal.

Vissulega sorglegur þjóðhátíðardagur en ég held að þetta sé undanfari á því sem koma skal því miður.


mbl.is Eyðilagði íbúðarhúsið
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband