Það á ekki að taka sjómanna afsláttinn af sjómönnum.

Með þetta rugl gengi öfundast menn út í sjómannafsláttinn þar sem laun sjómanna eru góð í augnablikinu.

Ef gengið okkar réttir úr kútnum þá  minnka tekjur sjómanna.

Ég er á móti því að hreifa við sjómannaafslættinum.  Sjómannsstarfið er oft erfitt og tekur á einstaklinginn sem stundar stundar.

Ef gengið einhvern tíman réttir úr kútnum og sjómannaafslátturinn er ekki lengur til staðar þá nennir enginn að stunda sjómennsku.  

Sjálfur hætti ég á sjó á sínum tíma þegar íslenska krónan var sterk og laun sjómanna léleg miðað við vinnuframlag.

Er það kannski málið að við eigum eftir um ókomna framtíð að þurfa að burðast með þessa ónýtu fall krónu?   Ef svo er þá skil ég málið um það að taka sjómannaafsláttinn af.  

En þvílík kollsteypa mun verða á okkar skeri ef sú verður raunin á næstu árum.

 

 

Boðar afnám sjómannaafsláttar

Berjumst á móti því að mannkynið verði allt of feitt.

Ég er íþróttafíkill.

Ég var ágætur íþróttamaður á yngri árum og æfði grimmt.

Ég fór mjög ungur á sjóinn og æfði íþróttir þegar ég gat.

Síðan fór maður að hægja á hreyfingunni og horfa á íþróttir í imbakassannum.

Árin liðu, aukakílóunum fjölgaði hægt og þétt.

Á tæpum tuttugu árum höfðu kílóunum fjölgað um 30 kg.

Á milli reyndi maður allt til að losa um kg en ekkert gekk.

Reynslan skapar manninn og ég bjó til mitt eigið æfingarprógramm.

110 Kg maðurinn var loksins tilbúinn með sinn eiginn þjálfara.

Ég las um allt milli himins og jarðar, um mataræði og hreyfingu.

Loksins var hann tilbúinn.

Í byrjun gat hann vart hreyft sig.

Hann tók hálftíma göngutúra á dag móður og másandi.

Fljótlega lengdi hann göngutúrana í klukkutíma á dag.

Síðan var gengið og hlaupið á milli ljósastaura.

Alltaf var hugsað með aukningu á tempói.

Ég tók þátt í hálf maraþoni í vor á fínum tíma fyrir byrjenda 1.48

Ég hef misst 26 kg og er 85 kg í dag og ágætlega massaður

Ég borða allt en sleppi kartöflum þar sem kartöflur eru fitusprengja og skrítið að heilsuverndarstofnun banni ekki kartöflur?

Ég skora á fólk að fara ekki í megrun heldur að breyta um lífsstíl. 

Líkaminn heimtar hreyfingu.

Ég er tilbúinn að aðstoða alla þá sem vilja losa við þessi umfram kg.

En það á enginn að gera neitt í sínum málum fyrr en andlegi þátturinn er tilbúinn.

Það tók mig nokkra mánaða undirbúning að leggja á stað.

Hálfkák í ræktinni skilar engu en ræktin er góð fyrir fólk sem er andlega tilbúið.

Ég er búinn að finna upp þá aðferð fyrir feitt fólk sem vill verða fitt á innan við ári og virkar aðferðin mín  fínt.

Að lokum? 

Þetta er svo auðvelt þegar þú hefur hugsað um það í nokkurn tíma að þú viljir ná þessum markmiðum.

 

 

 

Sammála Sigurði G Guðjónssyni um að allar forsendur eru brostnar.

Var almenningur rændur? 

Ég segi JÁ.

"Sigurður G. Guðjónsson hæstaréttarlögmaður segir að lántakendur ættu ekki að greiða krónu meira af lánum sínum en upphaflegar forsendur kváðu á um þegar það var tekið. Lán hafa hækkuð upp úr öllu valdi og forsendur þeirra gjörbreyst frá því þau voru tekin. Telji bankinn sig eiga heimtingu á hærri upphæð geti hann komið og sótt málið fyrir dómi"

Eiga landsmenn ekki að láta reyna á þetta þar sem aðfarir stjórnvalda og fjármálastofnanna eru ekkert annað en svik við okkur almenning í landinu og þá þeirra sem aldrei tóku þátt í þessu útrásarbulli.

Ég ætla ekki að láta þetta yfir mig ganga að hafa verið rændur í skjóli myrkurs og trúi ég ekki öðru en að flestir landsmenn séu á sömu skoðun.

Þetta endar á einn veg ef ekkert er að gert?

Þegar almenningur nennir ekki lengur að berjast með alskonar víxláhrifum að standa í skilum og fer í greiðsluleti.

Til hamingju Sigurður og velkominn í hópinn til bjargar íslenskum fjölskyldum.  Flott að horfa fram á veginn.